MPSC chhui turin Lalmanzuala ruat a ni; MZP-in MPSC pisa kai tur an dang chhunzawm

Mizoram sorkar chuan Mizoram Public Service Commission (MPSC)-in tun hnaia sorkara thawktu tur a lâk dana sawisel awmte chhui chiang turin M Lalmanzuala, IAS (Rtd) a ruat. Hetih lai hian, Mizo Zirlai Pawl chuan MPSC chairman JC Ramthanga a bàn phûtin nimin khan MPSC pisa kai tur an dang leh.

Tun hnaia MPSC hnathawh dan chhuitu, inquiry officer atan M Lalmanzuala ruatna hi Vigilance department chuan nimin khan a tichhuak a; ni sarih chhunga chhui zo tura tih a ni. M Lalmanzuala hi Mizoram chief secretary hlui leh MPSC chairman hlui a ni.

MPSC-in sorkar hnathawk tur a lak danah thil dik lo a awm nia an hriat avanga MZP-in MPSC chairman JC Ramthanga báng tura nawr nan nimin khan MPSC pisa kai turte an dang leh a; buaina leh harsatna lian tham chhuak a awm lo.

MZP hian Mizoram sorkarin MPSC hna lak dan chhui chiang tura M Lalmanzuala a ruat avangin pisa kai tur zan an titawp a, "A hmalakna kan MZP chuan thuchhuah siamin, Mizoram sorkara Vigilance department-in MPSC hna lak dana thil fel lo awmte chhuitu tur inquiry officer atan M Lalmanzuala, IAS (Rtd.), Mizoram chief secretary leh MPSC chairman lo ni tawh a ruat chu lawmawm an tih thu an tarlang a, "Dikna duh, mi huaisen a nih avangin MZP chuan a ring tâwk a, ngun takin a hmalak dan a ngaichâng dawn," an ti.

MZP chuan, Inquiry Officer-in zalen taka hna a thawh theih nan leh chak zawka hna a thawh theih nan MPSC pisa kawta punkhawm chu chhunzawm rih loh ni se, an ti. Chhui chianna hna thawh a nih chhung chuan MPSC pisa chu khâr a, tu mah hna thawk lo turin MZP chuan thuneitute an ngen nghal bawk.ngaichâng dawn," an ti.