Zemabawkah SVEEP campaign

Lok Sabha inthlanpui atana inpuahchana kal mekah April 15, Thawhṭanni zan khan Aizawl district election officer Nazuk Kumar hoin Zemabawkah Systematic Voters Education and Electoral Participation street campaign neih a ni a, Zemabawk venga ṭhalaite inthlan pawimawhna hrilh an ni.

Nazuk Kumar chuan, ṭhalaite’n vote thlak leh inthlan an ngaih pawimawh a ṭul thu sawiin, "Mizoramin MP pakhat chuah kan neih avanga MP inthlan hi pawimawh ta lo riau anga ngaihna a awm thei a, mahse, mi pakhat chauh pawh hi state hmasawnna atan mi pawimawh lutuk a ni. MP kan thlanah tih tak zetna nen vote thlak a ṭul," a ti a; Mizorama inthlan kalpui dan chu a felfaiin entawn tlak a tih thu a sawi bawk.