Kuhva tawlhrûk a hluarah ngai

MNF party chuan thuchhuah siamin, ZPM kaihhruai sorkar hnuaiah kuhva rah man a ni fo a, dan loa kuhva tawlhrûk a hluar niin an tarlang a; kuhva tawlh tirêm turin sorkar an phût.

MNF chuan, "Dan loa kuhva tawlh tihtawp tum ZPM sorkar hnuaiah tihtawp chu sawi loh, a hluar zel zawk a, man chhuah a tam rual hian man loha kaltlang pawh tam tak a awm ngei a rinawm," an ti a; kuhva tawlh a hluar zel avangin Aizawl Bawrhsapin April 15, 2024-ah Aizawl district-a dan loa kuhva phurh khapna thupek a chhuah niin an sawi.

MNF party chuan, police mai ni lo, civil mi ṭhahnemngaite pawhin kuhva tawlhruk an man ta zel mai tih sawiin, "Civil leh civil inkara hetiang thil a thleng chho ta zel hian sorkar inthlahdahzia a lantir. Mit siai khum bik an neih ṭhin avanga tun thlenga kuhva tawlh hi la hluar zui zelah MNF chuan a ngai a. Hun hmasa lama an mite inhnamhnawih an tihte kha an zalen ta em ni? An insawi ang ngeia tirêm ngei turin MNF chuan ZPM sorkar a phût tlat a ni," an ti.