Kum 2023-24 chhungin Excise dept-in zu lt. 79,679.135 & ûm 29,856 an man

Excise & Narcotics department (END) chuan financial year 2023-24 chhung khan zu litre 79,679.135 leh ûm 29,856 an man a, heroin kg. 84.859 an man bawk.

Thu dawn danin, END-in kum 2023-24 chhunga zu an mante chu rakzu litre 76,986.235, Myanmar zu (BEDC) lt. 2,692.9 leh sapzu ûm 29,856-te a ni a; sapzu te chu ml. 750 ûm 20,137, ml. 375 ûm 3,269 leh ml. 180 ûm 6,450-te a ni. Zu bilh lai ṭín 1,67,772, dawidim kg. 375.495 leh bungbel 452 an man a; beer ûm 127 leh bûr 45,255 bakah, foreign wine ûm 149 an man.

Zu leh beer kaihhnawihah hian lirthei chi hrang hrang 268 an man bawk a ni.

END chuan sorkar kum liam ta April 2023 - March 2024 chhung khan heroin kg. 84.859 an man a, man tam ber kum a ni. Methamphetamine kg. 206.142, Pseudoephedrine kg. 5.943, ganja kg. 556.269, cannabis plant 568, khuh damdawi (codeine) kg. 751.73 leh ruih theih thil dang eng emaw zat an man bawk.

Kum 2023-24 chhung khan END chuan Rs 2,55,55,304 an hmu a, an hmuh zat tura state sorkarin a bituk Rs 1,80,00,000 chu Rs 75,55,304-in an khûm; khûmna zat hi 41.97% a tling.