Mizoramah polling station 1,276 a awm

April 19, 2024-a Mizorama Lok Sabha inthlan turah Mizoramah polling station 1,276 a awm a, chawhrualin polling station pakhatah voter 671 awm ang a ni.

Polling station 1,276 zinga 751 chu thingtlang (rural)-a awm a ni a, polling station 525 chu khawpui (urban) a awm a ni. Polling station hi khua/veng/hmun hrang hrang 1,116-ah a awm.

Venhimna uluk lehzuala kalpui ngai (vulnerable polling station) 14 a awm a, polling station panga chu critical polling station (vote tla 90% aia tam a niha candidate pakhatin vote tla aṭanga 75% aia tam a hmuhna)-ah puan a ni. Lirthei luh lohna, kea pan ngai polling station 11 leh lawngléng hmanga pan ngai polling station 15 a awm bawk.

Polling station pakhat awmna khua/veng/hmun 1,069, polling station pahnih awmna khua/veng/hmun 87, polling station pathum awmna khua/veng/hmun sarih leh polling station pali awmna khua/veng/hmun pathum a awm a ni.