MDEE zir duh tan dilna thehluh theih

Mizoram Diploma Entrance Examination (MDEE) 2024 chu May 24, 2024-ah exam tur a ni a, Higher & Technical Education (Technical Wing) chuan May 20, 2024 thleng dilna thehluh theih a nih thu a tarlang.

HTE tarlan danin, pawl 10 pass chin, civil engineering, electrical engineering, mechanical engineering, computer science & engineering, modern office management & practice, electronics & telecommunication engineering, garment technology, beauty culture & cosmetology zir duhte chu www.dhte.mizoram.gov.in ah May 20, 2024 thleng online-in dilna thehluh theih a ni.

Online-a ti thei lo tan HTE (Technical Wing) pisa, Chaltlang Lily Veng te, Mizoram Polytechnic, Lunglei leh Womens' Polytechnic, Aizawlahte dilna form lak chhuah theih a ni a; Mizoram Diploma Entrance Examination, 2024 information brochure chu www.dhte.mizoram.gov.in ah download theih a ni bawk.