Tui la pump ṭha thei lo

Greater Aizawl Water Supply Scheme (GAWSS) tui pump-na tura kawlphetha lak luhna hrui chhiat vangin, kawlphetha hmangin tui pump theih a la ni lo a; chutih rualin, kawng dang remchang ang angin tui pump a ni.

PHE minister Zodintluanga hnen aṭanga thu dawn danin, Thawhlehni zan zanlai vel aṭang khan GAWSS Phase-I aṭangin electric motor hmangin a theih ang angin Tuikhuahtlangah tui pump chhoh a ni a; Phase-II ah Serlui-A
aṭangin lei hipna tha (gravity) hmangin tui lak a ni a, electric motor hmangin Aizawlah pump chhoh a ni bawk.

Electric motor hmangin Aizawlah tui pump chhoh ni mah se, Aizawl mipui châwm zo khawp a ni thei rih lo a; tui pump chhuah ang angte chu a remchan dan angin veng hrang hrangah sem zel a ni.