Huaisen lawmman dawng dawn

Mizo naupang pathum Lalliansanga s/o PL Van­lalhruaia, Phullen; Van­lalhriatrenga s/o F Van­lalhmunsanga, Sai­rang Dinthar leh Carolyn Malsawmtluangi d/o Lalsangzeli, Zuangtui te chuan kumin Republic Day, January 26 hian New Delhi-ah huaisen lawm­man an dawng dawn.

F Vanlalhriatrenga hian naupang tui tla a chhanchhuah avangin huaisen lawmman hi a dawng dawn a ni. March ni 1,2019 khan nau­pang  tuiah an tla a, F Van­lalhriatrenga hian tuitla chu a chhanchhak a ni. Lalliansanga hi March ni 29,2018 khan an ṭhian te nen Tuivai luia an kal chu an haw lamah an ṭhian pahnih  chu electric hrui chatin a man a, an hnunga tlan Lalliansanga leh Vanlalduhawma te chuan an ṭhian chhan tumin mau ro nen an bei a, pakhat an chhan chhuak a, pakhat erawh a thi. Lalliansanga ṭhianpa erawh kum 18 a tlin tawh avangin huaisen lawmman dawng tura thlan a ni lo.    

Carolyn Malsawm­tluangi chuan Mizoram chhim lam khaw pakhata naupang kum 7 mi an rukbo a chhanchhuah avang leh police-te'n a rubotu Zonunsangi an man theihna atana a hnathawh ṭhat avangin huaisen lawmman hi a dawng dawn a ni.