INC-in Lok Sabha MP an nei ngun ber

Vawiin April 19, 2024-a Lok Sabha inthlan hi Mizoramah vawi 14-na tur a ni a, Congress party-in Lok Sabha MP an nei ngun ber a; state sorkara ruling party vawi 11 an tling tawh.

Mizorama ṭum 13 Lok Sabha inthlanpui awm tawh zinga ṭum 11-ah state-a ruling party candidate thlan tlin an ni a, ṭum hnih chu state sorkara ruling party ni lo candidate thlan tlin an ni tawh thung.

INC-in ṭum ruk Lok Sabha-ah MP an nei tawh a, MNF-in ṭum hnih an nei tawh. Ṭum thum chu inde­pen­dent candidate thlan tlin a lo ni tawh bawk.

Ṭum khat chu candidate pakhat chauh awmin, candidate awm chhun a lo tling tawh. Kum 1984 khan Congress party candidate Lalduhoma chu chuhtu awm loa thlan tlin a ni a; hemi ṭum hian inthlan chuh tum zinga mi pahnih chu an document a fel loh avangin hnâwl an ni.