Vote tlak dan darkar hnih danah tihchhuah tum a ni

Vawiina Lok Sabha inthlana vote tlâk dan chu Election department chuan darkar hnih dan zelah tihchhuah an tum a, chuta tan chuan mawhphur turte an ruat.

Sorkar thuchhuah tarlan danin, MP thlana vote tlak dante darkar 2 dan zelah Pollstar application kaltlanga report zung zung tura ruahman a ni a, inbiakpawh harsatna hmunah chuan MPRO kaltlanga chanchin inhriattir ṭhin tura ruahman a ni. District tina control room-ah Pollstar nodal officer leh official dang bakah, MPRO team an duty vek dawn a ni.

Thil ṭul apiang ngaihvena buaipui turin Chief Electoral Officer pisaah mawhphurhna hrang hrang changtu tur inruat a ni a, hmunpuia duty-te biakpawhna turte pawh tarlan a ni.

District tinah call centre din niin, Mizoram Election Helpline (toll free) no. 18003351950-ah inthlan kaihhnawih thil thlen duhte tan thlen theih a ni a, chhun zan zawma vil a ni. BSNL service awm lohna Khawzawl district-ah phone no. 6909245177 leh Saitual district-ah phone no. 8731817838 ruahman a ni bawk.

ELECTION BIAKPAWH THEIHNA

State Control Room : 0389-2954202/8787622508

Communication Control Room : 9612317499

Media Monitoring Control Room : 0389-2954392/8731806897

Webcasting Control Room : 9612153577

EVM Control Room : 9436383058