Ṭiau lei gate hawn phût

Nimin tlai dar 5 vel khan Mizoram leh Myanmar inkara Ṭiau lei gate hawn phûtin gate bulah mipui an pungkhawm a, buaina lian zawk erawh a chhuak lo.

Thu dawn danin, Ṭiau lei tawntirh ve ve - India ram lam leh Myanmar ram lamah mipui an pungkhawm a, mahse, Assam Rifles sipai duty-te chuan gate hawn an remti lo. AR lam chuan ramri-ah khuahkhirhna a awm avangin duh duha hawn theih a nih loh thu an tarlang a; hemi chungchang hi Champhai DC leh police hotute hnenah an thlen nghal a ni.