Mizorama Lok Sabha MP inthlan neih tawh dan

January 21, 1972-a Mizoramin union territory dinhmun a neih aṭangin Mizoramah Lok Sabha inthlan (vote thlak lohte telin) vawi 13 neih a ni tawh a, chutah chuan Indian National Congress (INC) candidate vawi ruk tling tawhin, party mala tling ngun ber an ni.

Mizoramin kum 1972-a UT a nih hnua Lok Sabha inthlan hmasa ber chu a vawi ngana a ni a, Lok Sabha MP atan chuan Mizo Union party mi Sangliana thlan ni mah se, vote thlâk a ni lo. Sangliana hi Mizoram aṭanga MP hmasa ber a ni.

Kum 1984-a Lok Sabha general election-ah INC candidate Lalduhoma chu chuhtu dang awm loh vangin tlingah puan a ni a; hemi ṭum hian chuh tuma hming pe mi dang pahnih chu hnâwl an nih avangin Lalduhoma hi candidate awm chhun a ni.