ASF lênna hmunah puang

Animal Husbandry & Veterinary department chuan vawk hri, African Swine Fever (ASF) lênna hmun (infected area)-ah April 17, 2024 khan Aizawla veng pahnih - Kulikawn leh Salem Veng a puang.

AH&Vety department thuchhuah chuan, ASF a darh zel lohna atan dan chah a ngaih thu tarlangin, "Aizawl district mipui ṭhatna tur leh hri darh zel tur danna atan Kulikawn leh Salem Veng hi vawk hri lênna hmun infected area-ah puan a ni," a ti.

Kulikawn leh Salem Veng aṭangin vawk phurh chhuah leh hmun dang aṭanga vawk lak luh khap a ni a; vawk thi reng reng paih loin, thûk takah chinai nen phûm tur a ni.