Chak ngei kan inbeisei - K Vanlalvena

Nimina Mizorama vote thlâk zawh tâk Lok Sabha inthlanah MNF candidate K Vanlalvena chuan thlan tlin a nih ngei a inbeisei thu a sawi.

K Vanlalvena hian nimin zinga Bawngkawn Polling Station-a vote a thlâk zawhah thuthar thehdarhtute zawhna chhángin, "Pathian leh mipui zarah kan khingpuite kan hneh ngei kan beisei. Kan vahvelna aṭangin kan lawm ve khawp mai," a ti.

MNF Candidate chuan, ZPM chu an khingpui ber nia a hriat thu sawiin, "Sorkar lai party nge nge chu ruling chakna nen kan khin ber an ni," a ti a, ZPM party chu MLA 27 nei leh Chief Minister hoa campaign an nih thu a sawi.