Tlin ngei ka inring - Richard-a

Nimina Mizoram Lok Sabha inthlanpuia ZPM party candidate Richard Vanlalhmangaiha chuan, ZPM boruak a ṭhat thu leh tlin ngei a inrin thu a sawi.

Richard Vanlalhmangaiha hian nimin khan thuthar thehdarhtute zawhna chhángin, polling station hrang hrang a tlawh kualnaah ZPM boruak a ṭhat thu a sawi a, "Kum 2023 MLA inthlanah khan mipuiin hneh takin ZPM an thlang tling a, tunah hian mipuiin ZPM sorkar an rinna a la lian tual tual mai a, chuvang chuan tlin ngei ka inring," a ti.

ZPM Candidate chuan, MP atan thlan tlin a nih chuan tuna Mizoram sorkarin sorkar laipuia project hrang hrang a thehluhte bawhzui chu a hna hmasa tur a nih dawn thu a sawi.