Independent Lalhriatrenga'n tlin theihna neiah a inngai

Mizoram Lok Sabha inthlana political party behchhan nei lo, independent candidate Lalhriatrenga Chhangte chuan, independent candidate a ni chungin tlin theihna 'chance' a neia a hriat thu a sawi.

Lalhriatrenga Chhangte chuan zawhna chhángin, nimina inthlanah polling station hrang hrang a tlawh kual thu leh vote tla a ṭhat loh thu a sawi a, "Political party hrang hrang candidate-te hian mipui an tiphûr zo lo niin a lang... Independent candidate ka nih avangin tlin theihna chance ka neiin ka hria," a ti.

MP nih a duh chhan sawiin Lalhriatrenga chuan, "Mizoramin kan mamawh 85% vel hi central fund aṭanga lo kal a ni a, Mizoramah kan own resource kan tihpun hma chu central fund hi tihpun a ngai a, fund kan hman dan hi a efficient tur a ni. Chu chu independent MP ka nihna angin party thlei bik nei loin central aṭangin ka rawn monitor thei dawn," a ti a, chu chu Mizoram tana a tih theih tur awlsam ber nia a ngaih avangin a vawi hnih nan MP a chuh leh thu a sawi a ni.