PC candidate-in tlin a inbeisei

Mizoram Lok Sabha MP thlannaa PC party candidate Rita Malsawmi chuan, thlan tlin a nih a inbeisei thu leh, a tlin chuan a chhan (issue) a zirin sorkar laipuiah zawmpui neih an tum thu a sawi.

Rita Malsawmi chuan zawhna chhangin, hmeichhe candidate awmchhun a nih ang leh ṭhalai a nih angin hmeichhiate leh ṭhalaite vote hmanga tlin a inbeisei thu a sawi a, "Thlan tlin ka nih chuan women empowerment bakah, hmeichhiate'n kan mipate kan tihchak lêtna turin hma kan la ang. Zo nun ze mawi chawikan te, moral reformation leh mipui hrisel, hlim leh him dam taka mi hausa leh retheite siam kan tum dawn. Tourism lama hmasawnna turin hma ka la bawk ang," a ti.

PC Candidate chuan, MP a nih chuan NDA emaw, INDIA emawah a chhan azirin hmasawnna leh Mizo sakhua tana ṭha tur leh him tur angin a awm theih dawn thu a sawi a, "Thlan tlin ka nih chuan Joshua Operation-a president ka nih angin hmarchhak state hrang hranga NGO lian tak tak zawmpui ka neihte hi ṭanhopuiah ka sawm dawn a, kan aw a lian khawp ang," a ti bawk.