Sorkar kum kal ta 2023-2024 chhungin Mizoramah thisen unit 35,619 pek a ni

Sorkar kum liam ta, April 2023 - March 2024 chhung khan Mizoramah thisen unit 37,419 pek a ni a, chu'ng zinga unit 34,252 chu pek bik nei loa a thlàwna pek (voluntary donation) a ni. Kum 2022-23 chhunga thisen pek hi kum hmasaa pek zat aiin unit 9,228-in a tam zawk a, a punna hi 32.73% a tling.

Financial year liam ta, April 2023 - March 2024 chhung khan Mizoramah thisen unit 35,619 pek a ni a, chu'ng zinga unit 32,493 chu pek bik nei loa a thlàwna pek (voluntary donation) a ni. Kum 2023-24 chhunga thisen pek hi kum hmasa 2022-23 chhunga pek zat aiin unit 1,800-in a tlem zawk.

Mizoram State AIDS Control Society (MSACS) chhinchhiah danin, kum 2023-24 chhunga thisen a thlâwna pek unit 32,493 niin, pek zawng zawng unit 35,619 aṭangin 91.22% a ni a; Association for Voluntary Blood Donation (AVBD)-in target an siam 90% khûm a nih rualin, kum hmasaa voluntary donation percentage 91.54 a phâk lo. Pek bik neia thisen pek (replacement) unit 3,126 (8.78%) a awm bawk.

Kum 2023-24 chhungin Mizoramah blood donation camp ṭum 585 huaihawt a ni a, kum 2022-23 chhunga donation camp aiin paliin a tlem. Donation camp vawi 585-ah hian thisen unit 21,874 pek a ni a, pek zawng zawng aṭangin 61.41% a tling. Civil Hospital, Aizawl Blood Bank-in donation camp ṭum 187 (kum hmasaah 203) neiin, an nei tam ber a, camp zawng zawng 585 aṭangin 31.97% a ni.

Mizorama blood bank 11 zinga thisen dawng tam ber Civil Hospital, Aizawl tan thisen unit 16,774 pek a ni a, kum hmasa (19,226) aiin a tlem. Thisen dawng tlem ber Mamit District Hospital-ah unit 413 (kum hmasaah 501) pek a ni.

Christian Hospital, Lunglei leh Siaha Dist Hospital-te chu voluntary donation sànna berte an ni a, 99,.48% a tling. Christian Hospital-ah hian kum hmasa khan voluntary percentage 99.82% a lo ni tawh bawk.

Voluntary donation hniamna ber chu Lawngtlai blood bank niin, 73.30% a ni a, Civil Hospital, Aizawl (89.43%) nen 90% tlin lohna blood bank awm chhun an ni.

AVBD chuan, an páwlin kum 2023-24 chhunga voluntary blood donation target an siam 92% khûm a ni chu tlibn lo deuh mah se, a thlâwna thisen pek a ṭhat viau thu an sawi a; thisen petute inpekna ropui an tih thu an sawi rualin, thisen mamawhtu a pun zel avangin thisen pek uar zel turin Mizo mipui an sáwm a ni.