Journalist-te chauh thil thleng chanchin hrilh tawh an rêl

Assembly bial - Champhai South leh Champhai North-a joint village council-te chuan, an huam chhungah chhiatna emaw, thil thleng eng emaw a awmin, media-a tarlan ngai a awm chuan journalist-te chauh hnenah thil thleng chanchin sawi chhuah tawh an rêl.

Champhai North Constituency Joint VC leh Champhai South Constituency Joint VC-te April 22, 2024 zinga K Zamlova, Champhai Venglai ina ṭhukhawm chuan, "Veng chhungah khuarel chhiatna emaw, kan duh loh zawng thil a lo thlenin, social media-ah tarlan ngai chi a awm chuan VC-te leh NGO-te'n journalist-te hnena sawi hi duhtâwk mai ni se kan ti," an ti.

Ṭhutkhawmah hian, journalist-te chuan a him chin leh mipui hriat tur chin an thlit fîm ṭhin thu leh, mi dangte erawh chuan thli fím loa an puanzar mai ṭhin avangin, thu thehdarh tur chinah fimkhur a ṭul thu sawi lan a ni.