ASF vangin 2024-ah vawk 186 thi tawh

Kumin 2024 hian Mizorama khua/veng pakuaah vawk pùl hri, African Swine Fever (ASF) vangin vawk 186 a thi tawh a; Saitual district-ah ASF vanga vawk thi a tam ber.

Animal Husbandry & Veterinary department chhinchhiah chinah kumin January 1 aṭanga nimin April 23 thlengin Mizorama khua/veng 10-ah ASF hri a léng. ASF vang hian khua/veng pakuaah vawk 186 a thi tawh a, veng pakhatah vawk vulhtute remtihna leh AH&Vety department hriatpuinain vawk hri darh zel tur ven nan vawk pali suat a ni.

ASF vang hian Saitual district-ah vawk 86 a thi tawh a, kumin chhunga ASF vanga vawk thi tamna ber district a ni. Champhai district-ah vawk suat 69 a ni tawh a, ASF hri darh zel tur venna atana vawk suat tamna ber district a ni.

Nimin bikah khan Saitual leh Kulikawnah vawk hri vangin vawk 12 a thi a; nimin vêk khan Champhai district-a Vanzau khuaah vawk 13 suat a ni bawk.