Vote tlak ṭhatna khuate lawmman hlan

Khawzawl district election officer K Lalrohlua chuan nimin khan DC Auditorium-ah Systematic Voters’ Education and Electoral Participation (SVEEP) hmalaknain vote tlak ṭhatna khuaa YMA, MUP leh MHIP branch/unit-te hnenah lawmman a hlan.

K Lalrohlua chuan, inthlan hmachhawn tura Khawzawl district inpuahchah dan leh vote tla a tam theihna tura hma an laknate a tarlang a; tlawmngai pawlte nen thawhhona ṭha tak an neih thu sawiin, inthlan awm leh zel turah pawh an thawhpuina leh ṭawiawmna a ngen a ni.

Category tina pakhatnate hnenah lawmman Rs 10,000, pahnihnate hnenah Rs 5,000, pathumnate hnenah Rs 3,000 hlan a ni a; branch pasarih ṭheuh tan consolation prize Rs 2,000 pek a ni bawk. Lawmman atan hian a Rs 94,000 sên a ni.