Ventilator chhia dawng

Khawzawl District Hospital-a ventilator - Digital CMV(VC) Agva ventilator pahnih, cheng nuai hnih man ve ve bun tura an dawn chu a chhe ve ve tih nimin khan hmuh chhuah a ni.

Khawzawl aṭanga thu dawn danin, sorkar laipui aṭanga Mizoramin ventilator 115 a dawn zinga Khawzawl Hospital-a hman tur pahnih chu nimin tlai dar 3 khan damdawi-inah bun tura ruahmanna a ni a; technician-te'n bun tuma an buaipuinaah ventilator-te chu a chhe ve ve tih an hmu chhuak a ni.

Khawzawl Hospital-a medical officer Dr Zozikpuii sawi danin, ventilator pahnih chhiate thlakna tur a dang ni 10 chhungin Aizawl aṭanga an dawn hman beisei a ni.