Pawngsualtu thiam loh chantir

Champhai District Fast Track Court judge T Saikunga chuan April 23, Thawhlehni khan hmeichhe naupang kumtling lo pawngsualtu Laldinsanga, Zawngtetui, Champhai district chu thiam loh a chantir a, kum 10 chhung lung-ina táng tur leh Rs 5,000 chawi turin a hrem.

Laldinsanga thubuai hi court chuan hun eng emaw chen a ngaihtuah hnuah April 23 khan thiam loh a chantir a; thubuai paliah thiam loh chantir ni mah se, hremna chu thubuai pakhatah hlâwm khâwm (concurrent) a ni. Laldinsanga hi Rs 5,000 a chawi lo a nih chuan thla hnih dang tàn belh tura tih a ni bawk.

Laldinsanga thiam loh chantir a nih dan chu POCSO section 10-na hnuaiah thubuai pahnih neiin kum 5 tang tura tih a ni a, section 12 hnuaiah kum 1 tang tura tih a nih bakah, section 6-na hnuaiah kum 10 tang tur leh Rs 5,000 chawi tura tih a ni.