Kolasib-ah in a kâng

Nimin zing dar 5 vel khan Kolasib Vengtharah chhungkaw pathum luah lai Assam type in pakhat chu a kâng a, bungrua chuh hman lohin a kâng ral.

Vanglaini thu dawn danin, in kâng hi Lalṭhakimi, Kolasib Vengthar East ta a ni a, chhâwng thum niin, chhungkaw pathumin an luah. In kan chhan hi hriat chian a ni lo a, in chung ber luahtute'n eichawp dawr an siam aṭanga kâng ṭan nia hriat a ni.

Fire & Emergency Service mi leh sate'n theihtawp chhuahin kâng ṭhelh hna thawk mah se, in ruangám a kâng ral hman a ni. In kângah hian thi leh hliam an awm lo.