Florists Association-in inkhawmpui hmang

Mizoram Florists Association (MFA) chuan nimin khan Synod conference Centre-ah General Assembly vawi 14-na an hmang a, ro an rèl bakah, hruaitu thar an thlang.

Inkhawmpuiah hian Mizoram hmun hrang hranga Mizoram Florists Association member-te an tel a; Postal (Mizoram Division) marketing executive HS Lalnghakliana'n postal awarness campaign training a neihpui bakah, chawimawina leh lawmman hrang hrang sem a ni.

Chawhnuah Bamboo Project officer Lalrinsanga kaihhruaiin kum 2024-26 chhunga an pawl hruaitu tur an thlang a; president-ah Lallawmchhungi, Venghlui, senior vice president-ah Vanlalzawni, Chaltlang, vice president-ah Liansangpuii, Tuikhuahtlang, general secretary atan Hmangaihzamveli, Khatla, secretary atan RK Vanlalchhuangi, Ramhlun, joint secretary-ah Lalhruaikimi, Chhinga Veng, assistant secretary atan Darpuii, Aizawl Venglai, treasurer-ah Robuangi, Zarkawt leh finance secretary atan Lalruatfeli, Bawngkawn te an thlang.