LWA din champha lawm a ni
Lai hmeichhe inzawmkhawm pawl, Lai Women Association (LWA) din champha vawi 28-na chu nimin khan LWA, Bazar Branch huaihawtin Lawngtlai Bazar YLA Hall-ah lawm a ni a, Lawngtlai additional DC B Malsawmtluangi'n a hmanpui.
LWA Day, April 24 hi Lai Autonomous District Council chuan sorkar chawlhah a puang a, LWA branch hrang hrang chuan khawtlang tana thil ṭha tihna atan te, member-te infuih tharna leh intihhlimna ní atante an hmang.
LWA-ah hian sub-headquarters pali leh branch 78 an awm a ni.