AMC pisaah Taxation site office an hawng

Nimin khan Aizawl Municipal Corpo-ration (AMC) pisaah Taxation Site Office hawn a ni. Taxation pisa hi AMC hnuaia hna chi hrang hrang (contract, supply, etc.) thawktute'n chhiah an pek turte awlsam zawka an pek theihna atana ruahman a ni.

Taxation site office-ah hian assistant commissioner of state tax H Lalramsanga, GST facilitator chu chawlhkar tin Nilaini leh Ninganiah a ṭhu dawn. Taxation official-te'n AMC hnuaia hna chi hrang hrang thawk, chhiah pek tur neite an pui ṭhin dawn a, Goods and Services Tax (GST) leh Profession Tax a huam bakah, a ṭul angin GST registration dil duhte pawh an lo pui ṭhin dawn a ni.

GST hi contract hna leh material supply chi hrang hrangah pek a ngai ṭhin a; kum khat chhunga cheng nuai 10 (service-ah) leh cheng nuai 20 (bungruaah) la luttute chuan GST registration neiin GST an pek a ngai a ni.