March 2024-ah zu zuar mi 529 man

Mizoram Police leh Excise & Narcotics department chuan kumin March thla chhung khan Mizoram hmun hrang hrangah rakzu litre 7,129.325, zu zuar mi 529 leh zu rûi mi 53 an man.

Sorkar thuchhuah tarlan danin, March 2024 chhung khan Excise & Narcotics department-in zu zuar mi 469 leh zu rui mi 32 an man a, rakzu litre 3,658.575, zu bilh lai ṭín 5,232, zu siamna bél 34 leh lirthei 12 an man a ni.

Mizoram Police chuan March 2024 chhung vêk khan zu zuar mi 60, zu rui mi 21, rakzu litre 3,470.75 leh ruihhlo kaihhnawihah lirthei 14 an man bawk.