IndianOil-in kalphung thar an duang

IndianOil chuan an hnen aṭanga eirawng­bawlna gas latute awlsam zawk nan LPG thunna (refill) tura inhriattirna phone number 7718955555 an hmang ṭan dawn a; hei hi India ram pumah hman a ni ang.

IndianOil CGM (Cor­porate Commu­nications) Sadhna Khera Mittal thuchhuah tarlan danin, gas thun tura inhriattirna number-ah hian engtik lai pawhin SMS (short message service) emaw, IVRS (inte­ractive voice response system) emaw hmangin hriattir theih a ni dawn a; hun rei vak lo chhungin IndianOil chuan gas an thunsak mai thei dawn a ni.

LPG booking chu customer-te mobile phone number hmanga tih mai theih a ni a, an number chu indane lam record-a awm sa a nih chuan invoice/cash memo/subscription voucher-a tarlan con­sumer ID hmanga tihfel theih a ni. Customer-te mobile number chu indane-a la chhinchiah loh a nih chuan consumer ID thawnin registration a thara tih a ngai thung.

Gas bûr thun khahna tur kalphung thar hi Indian­Oil-in anmahni dàwr­tute awlsamna tura an tih a ni a; telecom/service provider hmun khat aṭanga hmun dang daihah a hmangtute insawn mah se, number ngai reng hmangin booking tih zui zel theih a ni ang. Tuna LPG refill kalphung an hman mek chu October 31 zanlaiah a tawp dawn a, November 1 aṭangin kalphung thar hi an hmang dawn a ni.