MSU-in CM-ah rawtna an thlen

Mizo Students Union (MSU) office bearer-te chuan an president Van­lalliana Khiangte hoin nimin khan chief minister Zoramthanga a pisaah an hmu a; Mizoram leh Tripura ramria buaina awm leh ramri hi humhalh a nih theihna atan ramri depa awm Mizo khuate tihhmasawn chungchanga rawtna an neihte an thlen.

Tripura ramri depa awm Phuldungsei panna kawng (Kawrte-Phuldungsei via West Mualṭhuam) chu siamṭhat a nih theih nan MSU chuan Chief Minister an ngen a; CM pawh hian a rang lama siamṭhat a nih theih nana hma a lak tur thu a lo hrilh nia sawiin, lawmawm an tih thu MSU chuan an tarlang.