CBI-ah ṭum 3 reminder thawn tawh

Mizoram Lokayukta chuan Mizoram Rural Bank (MRB), Serchhip Branch-a sum tihchingpen thubuaiah, thubuai chhui tura a tih Central Bureau of Investigation (CBI)-ah hriattir nawnna (reminder) ṭum thum a thawn tawh.

Lokayukta chuan MRB, Serchhip Branch-a sum tihchingpen thubuaiah December 1, 2021 khan preliminary enquiry chu CBI tih turin thutlukna a siam a; mahse, CBI lam aṭangin thu dawn an neih loh avangin ṭum thum reminder a thawn tawh a ni.

Lokayukta hian CBI-ah hian November 10, 2022, May 9, 2023 leh February 6, 2024 khan remindar a thawn a; thubuai hi CBI chhui turin a la awm mek a ni.