UPC (NEI) General Conference ṭan

United Pentecostal Church (North East India) inkhawmpui lian ber, General Conference vawi 56-na chu nizan khan Kolasib Vengtharah ṭan a ni a; thupui chu 'Ngai teh, ani chu a lo kal e' tih a ni.

UPC-NEI inkhawmpui lianah hian vawiinah General LAD, Missions leh Sunday School department-te'n Vengthar biak-in, Diakkawn biak-in leh conference pandal-ahte ro an rêl dawn a; naktuk zingah Diakkawn biak-inah general hruaitu thar thlan a ni ang a, chhunah kohhranpui rorel inkhawm neih a ni ang.

Inkhawmpui chhung hian Maryland, USA aṭangin Rev. John Overton leh Pastor Kapliana, Bang-ladesh UPC general secretary Rev. Peter Biswas leh UPC-NEI general superintendent Rev. R Lalrinsangate'n Pathian thu an sawi dawn a ni.

Inkhawmpui hi Pennet Youtube channel-ah live-a pek chhuah a ni ang.