AH&Vety ram humhalh an rêl

Mizoram Veterinary Service Association (MVSA) chuan nimin khan Vety Rest House, Selesihah Annual General Conference vawi 40-na an hmang a; AH&Vety department-in ram a neihte nasa zawka humhalha hman ṭangkai dan zawn an rêl.

MVSA inkhawmpuiah hian AH&Vety director Dr C Lalrintluanga'n thu sawiin, mahni záwnah ṭhahnemngai tak leh hmasawn zel tuma thawk turin member-te a fuih a, central scheme-te zir chiang a, a hlâwk thei ang bera hmang ṭangkai turin a chah. African Swine Fever léng thar leh mekah a chak thei ang bera hma an lak zel thu a sawi bawk.

Inkhawmpuiah hian kum 2024-2026 chhunga MVSA hruaitu turte an thlang a; president atan Dr Robert Rualthankhuma leh general secretary atan Dr V Lalzarzova bakah, office bearer tur dang mi panga an thlang a ni.