Adventure training pualin hun hmang

Sports & Youth Services department chuan April 25, Ningani khan an conference hall-ah adventure training course zo mi 77 hnenah certificate an hlan a, SYS secretary Lalramsanga Sailo-in a hmanpui.

Adventure course hi ni 15 chhung neih a ni a, rafting and canoeing course leh basic course camp-ahte certificate sem a ni. Rafting & canoeing course hi Chhimtuipui luiah ni 10 chhung neih a ni a, lawng kar dan, lawng vèn dan leh inchhanchhuah dante inzirtir a ni. Basic adventure camp chu State Adventure Training Centre, Vaipuanphoah neih a ni thung.