'Cleanliness Drive and River Conservation

Champhai Nature Learning Centre (NLC) kaltlanga buatsaih ni thum awh lui dung tihfai leh humhalh hnatlang, 'Cleanliness Drive and River Conservation' chu nimin khan zawh a ni.

Hnatlangah hian NLC-a thawk te, Bethel Mission School leh Bethel Middle School-a zirlaite leh EFCC department-a thawkte telin, an vaiin mi 250 vel an ni a; Champhai châwmtu tui lakna Tuipui lui leh a fintu Keilungliah luite an tifai a, Tuipui lui dunga kài hrang hrangah bawlhhlawh báwm an dah bakah, mipui zirtirna signboard-te an tár bawk.

Hnatlangte'n bawlhhlawh an chhar khawmte chu Zotlang bawlhhlawh paihna (dumping ground)-ah hàl ral tura paih a ni.