AISSA leh Synod hruaitute inkâwm

All India Sunday School Association (AISSA) office bearer-te leh Mizoram Synod hruaitute chu nimin khan Synod Office-ah an inkâwm. AISSA aṭangin president Rochamliana, general secretary Rev. Dr TI James leh hruaitu dangte an tel a; Synod aṭangin Mizo Sunday School Union (MSSU) changtu executive secretary Rev. VL Luaia Hranleh leh executive secretary Rev. Dr K Lallawmzuala te an tel.

Inkawmnaah hian AISSA General Secretary-in an pawl chungchang leh an hmalaknate a sawifiah a; Mizoram Synod leh AISSA-in thawhhona ṭha an neih zui zel theih dan turte an sawiho bawk.

AISSA hruaitute hian nimin khan Synod senior executive secretary Rev. C Zorammawia a pisaah an hmu bawk a; naktuk hian tualchhung kohhran ṭhenkhatah an inkhawm ve dawn a ni.