AMC by-election draft roll tlangzarh

Aizawl Municipal Corporation (AMC) Ward XIX leh Sakawrtuichhun Local Council-a seat pakhat ruak hnawhkhahna by-election neih tura hman tur draft electoral roll chu nimin khan Aizawl DC conference hall-ah additional DC Lalnunmawii'n a tlangzarh.

Sorkar thuchhuahin a tarlan danin, AMC Ward XIX-a by-election neih a nih chhan tur chu councillor ni lai Baryl vanneihsanga MLA-ah a nih tâk vang a ni a; Sakawrtuichhun LC seat pakhat ruak chu member ni lai a thih vang a ni.

Draft roll hi political party aiawhte hnenah pek nghal a ni a; Ward XIX-ah voter 13,172 leh Sakawrtuichhun LC-ah voter 1,636 an awm. By-election neih hun tur chu State Election Commission (SEC) a la tichhuak lo.