Mizoram sorkar department 48-ah post 54,574 zinga 21,733 a ruak

Mizoram sorkarin February 27, 2024-a 'Statement on Salary & Employment Data in Government, PSUs and aided Institutions (2024-2025)' a tihchhuaha a lan danin, sorkar department 48-ah post awm zat (sanctioned post) 54,574 zinga 32,841 (60.18%) hnawhkhah a ni a, post ruak 21,733 (39.82%) a awm.

Mizoram sorkara department 48-a post awm zat (sanctioned post) 54,574-te hi group A, B, C leh D-te a ni a; permanent (sanctioned) post 24,252 awmin, chu'ng zinga 15,828 (65.26%) hnawhkhah a ni. Temporary (sanctioned) post 30,322 zinga 17,013 (56.11%) hnawhkhah a ni bawk.

Aided institutions & bodies 13 hnuaiah group A, B, C leh D permanent (sanctioned) post 8,819 zinga 5,553 (62.97%) hnawhkhah a ni a, temporary (sanctioned) post 7,948 zinga 7,884 (99.19%) hnawhkhah a ni. Aided institutions & bodies 13 hnuaia sanctioned post 16,767 zinga 13,437 (80.14%) hnawhkhah a ni a, post ruak 3,330 (19.86%) a awm a ni.

Public sector undertaking (PSU) paruk hnuaia group A, B, C leh D sanctioned post 341 zinga 174 (51.03%) hnawhkhah niin, post ruak 167 (48.97%) a awm.