Traditional Healers Meet buatsaih
Jawaharlal Nehru University, New Delhi-a School of Life Sciences leh Mizoram University-a Department of Horticulture, Aromatic and Medicinal Plants (HAMP) chuan April 26, 2024 khan MZU-ah Traditional Healers Meet an buatsaih a, ramhmul damdawi pho chhuahna (exhibition) leh zirchianna (exploration) a buatsaih nghal.
Traditional Healers Meet-ah hian MZU vice chancellor Prof. DC Deka chu khuallian niin, registrar Prof. Lalnundanga leh JNU School of Life Sciences-a professor Arun S Kharat te chu khualzahawm an ni a; Prof. DC Deka chuan, Mizoram leilung leh ramngawahte ramhmul damdawi tam tak hmuh theih a ni thu a sawi.
Hawnna inkhawm zawha technical session-ah ramhmul damdawi lama hriatna nei Mizo palite'n an tawnhriatte an sawi bakah, ramhmul damdawi hmanga natna chi hrang hrang enkawlna damdawi an siamte an pho chhuak a ni.