AR-in Farkawn naupangte intihhlimna hun an hmanpui

Assam Rifles chuan April 26, 2024 khan Farkawn khelmualah tualchhung naupangte intihhlimna hun, ‘A day with company commander’ tih hun an hmanpui a, naupang 200 vel an tel.

Assam Rifles chuan, tualchhung naupangte nen intihhlimna hun an hman chu tualchhung mite nen an inkungkaihna a ṭhat zawk theih nan te, naupangte'n sipaia ṭan châkna an neih theihna tura fuih phurna atante a nih thu an tarlang a; Assam Rifles hnathawhte leh sipaia ṭan ṭhatnate an hrilhfiah nghal. Intihlimna hunah hian naupangte chu infiamna chi hrang hrang tihpui an ni.