Mizoramah March 31, 2024 thlengin driving licence 4,54,553 pe tawh

Mizoramah kum 1945 aṭanga March 31, 2024 thleng khan driving licence 4,54,553 pek chhuah a ni tawh a; pek chhuah tamna ber Aizawl district-ah driving licence 2,14,373 pek chhuah a ni.

Transport department tarlan danin, April 1, 1945 aṭanga March 31, 2024 thleng khan Mizoramah lirthei hrang hrang driving licence pek chhuah tawh 4,54,553 zinga a tam ber chu LMV licence a ni a, 2,50,435 a awm.

Aizawl DTO huam chhungah driving licence 2,14,373 pek chhuah niin, district-a licence pek chhuah tamna ber a ni a; chu'ng zinga 1,11,750 (52.12%) chu LMV driving licence a ni. Two wheeler driving licence 88,272 (41.17%) leh transport vehicle driving licence 13,275 (6.19%)-te'n an dawt.

Mizoram puma driving licence pek chhuah tawh 4,54,553 zinga 2,50,435 (55.09%) chu LMV a ni a, two wheeler driving licence 1,72,230 (37.89%) pek chhuah tawh a ni.