DC-in Lunglei tui lâkna a enfiah
Pialthleng leh Tlawng lui tui pump tur a tam tâwk tawh loh vanga Lunglei khawpuiin tui harsatna an tawh theih chungchangah Lunglei bawrhsap Ramdinliani chuan AMRUT 2.0 hnuaia Tlawng lui khuah hmalâkna, Pialthleng Pump House a tlawh a, Gravity Impounding Dam siam mek a enfiah.
Lunglei Bawrhsap hi Lungleia PHE department hotute'n an lo dawngsawng a; PHE hotute chuan, ruah a sûr chuan tuiah harsatna a awm an rin lo thu an lo hrilh a, Tlawng hnár chhehvelah mimal ram neite'n ram an vah chereu avanga Tlawng lui kám zel chungchangah hmalak a ṭul thu an lo thlen bawk.