Saitual district-a chhiatna endik

Saitual district bawrhsap Dr Lalngura Tlau chuan nimin khan tun hnaia Saitual district-a thli leh rialin chenna in leh bungrua a tihchhiatte a tlawh a, chhungkaw 128 chu Disaster Management & Rehabilitation department aṭangin ṭanpuina pek tura chhinchhiah a ni.

Saitual DC-in a tlawhte chu - Maite, Mualpheng, Ṭawizo leh a chhehvel khaw dangte a ni a; thli leh ruahin in leh lo a tihchhiatte chu luah theih tawh loh khawpa chhia a awm loa hriat niin, thawm ṭhat theih (partially damage) a a ni hlawm.

Ṭanpui ngaia chhinchhiahte chu - Maite khuaah chhungkaw 36, Ṭawizoah chhungkaw 86 leh Mualphengah chhungkaw paruk a ni a; ṭanpuina dawng thei an nih leh nih loh enfiah ngai dang an la awm bawk. Chhungkaw chhinchiahte chu an bank account kimchang lak khawma thehluh kim a nih veleh ṭanpuina pek tura ruahman a ni.