BJP President-in sum 'lapse' pawi ti

BJP, Mizoram Pradesh presient Vanlalhmuaka chuan nimin khan an party pisaa inkhawmah thu sawiin, Mizoram tana sum dah sa leh hmasawnna hna thawhna tur sum hman loha a kîr ṭhin chu pawi a tih thu a sawi.

Vanlalhmuaka chuan, "Mizoram tana sum dah sa leh hmasawnna hna thawhna tur sum hman loha luang ral ṭhin hi a pawi tak zet. Sum hman loha luang ral ṭhin hi sorkar hmasaah pawh a thleng fo a, a chhan chu sorkar inthlahdah vang leh huamhauh vang a ni ṭhin," a ti.

Cheng vbc. 233 a kîr (lapse) nia sawi chungchangah Vanlalhmuaka chuan, "Sorkar hian engmah tak tak an ngaihtuah lohzia tilang chiangtu a ni. MNF sorkar mawhpuh chi a ni lo a, sorkar lai ZPM mawhphurhna liau liau a ni," a ti a; MNF sorkar mawhpuh loa an tihsualah pawm turin ZPM sorkar a chah.

Inkhawm zawhah Lok Sabha inthlan thlir lêtna hun an hmang a, Election Management coordinator Dr K Beichhua chuan, "Mahni chanvo ṭheuh ṭhahnemngai taka kan tihhlawhtlinna rah chu MP result kan puan hunah kan hmu dawn a, hengte avang hian BJP member zawng zawng hnenah lawmthu kan sawi a ni," a ti.