Heroin leh meth man
Assam Rifles chuan nimin khan Champhai district-a Mélbûk bul kawngpuiah mi pakhat hnen aṭangin heroin (no. 4) gram 453 an man a, Rs 3,17,10,000 hû a ni. Heroin kengtu Lalengzama (25) s/o Lalsailova, Dilkawn, Champhai district nia insawi chu Zokhawthar Police Station-ah an hlan.
April 27, 2024 pawh khan Assam Rifles sipaite leh CID (Crime) hnuaia Special Narcotics Police Station mite chuan Aizawla Mualpui kâwnah methamphetamine mûm 20,000 an man a, Rs 6,66,60,000 hû a ni.
Meth neitua puh Hrangchhuankima (21) s/o Lianhawihkima, Thinghlun, Mamit district nia insawi an man nghal bawk.