Gelatin 8,000 leh a kép 1,500 man

Hnahthial police-te chuan nimin zing dar 4 vel khan Vawkpuilutara lirthei veivak an endiknaah maxicab MZ-01 AA-3655 aṭangin gelatin tlâwn 8,000 leh a kép (detonator) 1,500 an man.

Maxcab hi H Ramropuia (24) s/o Vanlalpianga (L), Sangau Vengthar khalh a ni a, Aizawl aṭanga Sangau lam pana tlân a ni. Police-te chuan lirthei hi endikin, báwm 40 chhunga dah gelatin tlâwn 8,000 leh a kép 1,500 an hmu chhuak.

H Ramropuia hian explosive license a neih loh avangin police-te'n an man nghal a, Explosive Substances Act hnuaiah thubuai ziah luh a ni.