Mizoram sorkarin Syria rama hmeichhe 3 hruai haw a tum

Syria rama mi ina hna thawk mek Mizo hmeichhe pathumte'n harsatna an tawh avangin Mizorama haw an duh a, Mizoram sorkarin hruai haw a tum a, an hawna senso Mizoram sorkarin a tum dawn.

Mizoram Police thuchhuah chuan, Syria rama hna thawk Mizo hmeichhe pathumte'n harsatna an tawh avangin Mizorama haw an duh tih hriat a nih thu tarlangin, "Mizoram sorkar chuan rang taka hma lain, mi pathumte hruai haw theihna turin Syria-a Indian Embassy a dawr nghal. Embassy chuan hmeichhhiate thawn haw turin a hranpaa sum a neih loh avangin an lo hawna senso chu Mizoram sorkarin a tum dawn. A rang thei ang bera hruai haw tura hmalak mek a ni," a ti.