Luikawr thenfai hnatlang ṭan

Save the Riparian chuan nimin khan Khatlaa Lalmalsawma Memorial School bul luikawr­ah bawlhhlawh thenfai hnatlang thawh hnihna an ṭan a, Public Health Enginee­ring depart­ment-a Project Manage­ment Unit director Duhkima’n a vailiam.

Hnatlang hi ni 30 chhung atana ruahman a ni a, a ṭannaah hian PHE Project Management Unit, Aizawl Municipal Corporation leh Urban Development & Poverty Alleviation department bultuma neih a ni. Save the Riparians hian March 26 - April 20, 2024 chhung khan 20 Days Project an lo kalpui tawh a, Tlawng lui fintu Sakhisih lui thenfai hnatlang an nei a ni.