Chief Minister hoin Mizoram State Planning Board an ṭhukhawm

Mizoram State Planning Board chu an chairman Lalduhoma, chief minister hoin nimin khan Chief Minister's Office-ah an ṭhukhawm a, Planning Board-in hma a lâk tawhte leh ruahmanna a siamte an thlirho.

CM Lalduhoma chuan, Planning Board chu Mizoram hmasawnna tur ruahmanna ṭha leh felfai a awm theihna tura ngaihtuahna séngtu a nih thu a sawi a, "In zirchianna te, in thuràwn te, in ruahmannate leh in ṭhahnemngaihnate'n nasa takin kan ram hmasawnna a tichak dawn a ni," a ti.

Ṭhutkhawmah hian Planning Board vice chairman Dr Kenneth Chawngliana chuan, Planning Board hmalak tawhte a sawifiah a; member Prof. H Lalramnghinglova'n Zau Policy for Sustainable Agriculture (under Land Reform Policy) an duan a sawifiah bawk.