Kolasib consumer union-in hma la turin DTO an ngen

Kolasib District Consumers' Union (KODCU) chuan tun hnai khan Kolasib District Transport Officer (DTO) hnenah ngenna thlenin, State Transport Authority (STA) Secretary-in March 12, 2024-a thuchhuah a siam anga Kolasib district chhunga lirtheia sumdawngte'n sorkar rate siam an hman theih nan hma la turin an ngen.

STA rate ang chuan, maxicab chuan man chu metal road-ah mi pakhat tan km. khatah Rs 3.50 a ni a, metal road loah Rs 4 a ni. Aizawl leh Kolasib inkar chu km. 83 a ni a, STA rate ang chuan maxicab chuan man chu Rs 290.50 tur a nih laiin, maxicab-te chuan Rs 350 an la mek a ni.

Silchar leh Kolasib inkar chu km. 97 niin, STA rate ang chuan maxicab chuan man Rs 339.50 tur a ni a, Rs 400 lak mek a ni. Kolasib leh Bairabi inkar chu km. 34 niin STA rate ang chuan maxicab chuan man Rs 119 tur a ni a, Rs 150 an la mek bawk.